صغيرة علة العشك

مساء الخير قصه صغيره على العشك للكاتبه ذكرى المندلاوي البارت الاول ***** الممرضة مب**ك زوجتك جابت بنبية ااريد حﻻوة السﻻمة احمد بهلفه الله يسلمج.٠٠٠مد ايده وانطاهة الحمره٠٠ التمن البقية يريدون حﻻوة وﻻدة الطفلة سارة من اابوهة احمد الي انتظر زوجته تجيبلة الطفل بعد سبع سنين حرمان عانوا هو وزوجته بتول اخت احمد مب**ك اخوية عيوني ها شفتيهة٠٠٠ بتول تخبل بيضه وعيونها خضر على امي المرحومة هسه هيه بلخدج جتي شويه تعبانه وتلاحكولهة الحمد لله على كلن بتول شراح اتسميهة احمد سارة احلى اسم بعد ماشافت الطفله بتول الحمد الله على سلامتهه ا٠٠شلون ابنيه ماشاءالله تمام الخلقه ٠وايه من الجمال عيني عليهة بارده٠٠ من هسه اكلك ترة اللبنيه خطيبة ابني ضرغام٠٠ احمد ههههه تدللين من عيوني هو اني الكه احسن من ابن اختي ٠٠٠٠ الله كريم منا لحد ما يكبرون شمدريج شراح يصير مدري عايشين مدري ميتين اسم عليك خويه ماحب اسم هل الكلمه منك ٠٠ طولت العمر الك وانشاءالله عايش واني وياك نركص بعرسهم انشاءالله هسة كوليلي شلونها زوجتي ورفيقه دربي٠٠ صحتهة تمام لو تتوجع صحت من البنج وو شكالتلج الدكتوره خومابيها شي ٠٠٠ زينه اخويه لتخاف هي عمليه قيصريه هل اﻻيام صارت. كلش بسيطة وراح نكدر انطلعها اليوم بليل لو باجر الصبح ٠٠ لا بس خليها الباجر الصبح حته اطمأن عليهن اثنينهن ٠٠ بعدين انتي هم تعبتي ويايه ٠٠٠عايفة ابنج يم سعديه المربيه٠٠٠ ومتعرفين شبي مابي بتول ﻻ خليته يم ابوه هو اجه من وكت من المكتب بس عرف بزوجتك تولد ٠٠خابرته وكتله خطيه جاي يجي ويايه ٠٠٠كتله ماكو داعي كلشي تمام بس انت ابقالي يم ابنك ادري بي كلش وكح الداده متكدر عليه٠٠٠ صحيح اني هم خفت عليه ٠٠ كلش حرك ودمه حامي مثلنه ٠٠٠ صحيح سعديه متكدرلهم ادور هو وسؤودد شلون اثنين ٠٠٠٠٠ (احمد وزوجته امل انتضروا المولوده ساره ٠٠٠٠ 7سنوات لكن دون جدوى حته اظطروا يتبنون طفله سموها سؤدد وهيه اكبر من اختها ساره بخمس سنوات وبتول هي اتصير عمتهم متزوجه من مصطفى وعدهة ابنهة ضرغام وهو وحيدهم ضرغام عمره من عمر سؤدد ) خمس سنين ٠٠٠ سؤدد وكحه دلالهم خلاها كلشي تريده يصير تحت ايدها وبلتو واللحظه وهذا الشي غير من شخصيتها وصارت انانيه وغيوره بشكل جانت تحسس من اختها المولوده حديثا ساره٠٠ تأذيها لو تاخذ اي هديه او ملابس يجيبوها الها شكد حاولت الام تتودد الاختها لكن كل محاولاتها باءت بلفشل كانت تنتهي بصراخ وعويل سؤدد٠٠٠ مما تظطر امل تاخذ الحاجه من ساره وتنطيه السؤدد احمد الاب كان رافض هل الشي لان تاخذها للكبر بس امل ترده تعبت وراسي وجعني من صريخها واثنيهن بناتي مااكدر اض*بها حته لا تكره اختها الصغيره ٠٠خاصه هيه بدت تتحسس كلش منها ٠٠٠ وتنظرها نظرات غريبه هل الايام وبدت تخاف للامور تكبر وتخرج عن سيطرتها ظلت الام تتنازل بابسط الامور وظلت سؤدد تتمادى مماغير من شخصيتهن اثنينهن ٠٠٠ ساره تحس بروحها هيه المتبناه مو اختها سؤدد ٠٠٠٠ مرت اﻻيام ٠٠٠٠وكبروا اﻻوﻻد٠٠٠ ضرغام صاحب اكبر شركات بلعراق وعنده فروع بلخارج كدر بشطارته وذكاءه وبوقت قياسي يكبر شغل ابوه بعد ماتخرج من كليه الاداره والاقتصاد واستلمه منه وداره باحدث التطورات العلميه الحديثه والي درسها بكليته وسفره للخارج وعاه واستفاد من هل السفرات وكبر شركاته٠٠٠ ضرغام شاب ضخم معضل يهتم بجسمه دائما يستغل الوقت او اي فرصه حتى يروح للجم اسمراني ٠٠شعر اسود وعيون سود انيق معروف بين اصدقاءه ميلبس الا الماركات جذاب محبوب وعنده هو اي معجبات رغم هذا بسيط بمعاملته للكل ٠٠٠ويحبونه الكل خاصه البنات بس هو گلبه الوحده٠٠٠وحده وبس كالبه كل كيانه ومستحيل يحب غيرهها من هو صغير عاشكها ويتوسل بأمه يتزوجها وامه بتول تضحك عليه حته حست بلسالفه جاي تكبر بدت تبعده عنه لان مو هيه الي تريده عروس البنها هيه منطيه وعد لاخوها تاخذ منه ساره البنت الي من دمه ولحمه ٠٠٠ ياترى ساره هم تحبه ؟؟ بما انو ٠٠٠ ساحر قلوب العذارى اكيد ساره من ضمنهن ساره بنت خالته تصغره ب١٠ سنين بيضه الشعر اسود العيون رصاصي متوسطه الطول رشيقه الجسم سؤودد سمراه الشعر اسود العيون سود طويله القامه رشيقه الجسم ٠٠٠٠٠ ابو ضرغام هاي شنو هذا الاكل كله بتول خانم هذا كله الي لو منتضره خطار ؟، اكيد اخوج احمد وزوجته ليش ماكلتيلي عيب اطلعلهم بروب البيت٠٠ بتول لتخاف مو اخويه هذا ابنك ضرغام خابرني البارحه وكلي جاي باجر عل الغده حضريلي ورق العنب وحلاوة التمر الي احبهن من ايدج الطيبه٠٠٠ اي واكيد انتي مصدكتي ترستي السفره محاشي واني شنو ذنبي اباوع واشتهي الدكتور كلك اكل بس بقله مو ادوس بالاكل يعني لو تأذي روحك متاكل وتجوعها لو تاكل بشراهة ٠٠٠ ابو ضرغام بدينه محاضرات الدكتور اليوميه بتول يااخي انت گلبك مو زين للتهاون بهل الشي حياتك ان جانت متهمك تهمني ٠٠٠ الخاطري اسمع الكلام انت مو ادكول كلشي ولا زعلج انت بهاي الحاله جاي تزعلني ابو ضرغام كلشي ولا زعلج عيوني انتي ابتسمت ورفعت راسها مستحيه من الطباخه الواكفه اكبالها ٠٠٠ همست عيب مناك العالم رد متعصب وهو يخزر بلطباخه تروح من فوك راسه انعل ابو العالم زوجتي وجاي اتغزل بيها محد الا حق اشرت بيدها خلص هذا هو بس دير بالك على روحك مو زين الك العصبيه خاصه عله السفره رد ميت مره كتلج ماريدهم ذوله فوك راسي تجين وتحطيهم كبالي خلص من هل اليوم كلشي يجرالك ٠٠٠تعرفني انسه ناوشته مي صاير احمر وجها بسرعه يتعصب وهذا مو زين عليه ابو ضرغام مريض بلقلب دخل ضرغام هاي شنوو هم صوت ابويه عالي ياهو الي معصبه كامت بتول حضنته وهي تبجي . وكالتله وهيه تهمس بذانه همزين جيت سويلي جاره وياه٠٠٠٠ ابوك تعبني ضرغام حضن امه وباسهه من كصتهة رد يطمنهة يمه هذا شغلي مااكدر ادز احد مكاني وابويه رجال جبير اني من زمان انطيته تقاعد حته يكعد بلبيت وهذا شغلج بعد تردون سافروا شهر عسل للخارج حته نفسيتكم ترتاح اثنينكم ض*بته على جتفه اي علمود يخلالك الجو مو ؟؟ ههههه باس راس ابو شلونك استاذ مصطفى انشاءالله بتول زينه وياك ٠٠٠ كلي اذا لا ٠٠٠حته ازوجك غيرها ابتسم الاب بتول شوف شلون تكيف على هل السوالف ترد روحك ثاريك ادور الزله وياي٠٠ ضرغام غمض عينه الامه حته تسد الموضوع وكال يالله شنو هذا كله الي ٠٠٠٠٠لو جايكم خطار ٠٠ الام اهووو رجعنه٠٠ مصطفى خله ٠٠خله يسولف لو بس من يمدحج تكيفين ههههه ضرغام اي والله ثاريهن النسوان كلهن نفس الشي بس الزلم تختلف اتعيب علة ابوك ولك اني بعدني بحيلي حته اسال امك ضرغام انت شيخ الشباب ياهو الي كال لا٠٠٠هههههه بتول هسه لتضحك علة ابوك انت٠٠٠ شبيك مو شاب ليش متقبل تتزوج كل ما افتح موضوع زواجك من سارة ضرغام بده اللعبان النفس هو يكره هل الموضوع ويتهزم منه كلما تفتحه يحاول يغير ه ٠٠بس هلمره بتول حاده سنونهة وقافله كلش على بت اخوهة ضرغام هسه مو وكتهه بتول اتغير موضوع؟؟؟؟موو ٠٠ كولي ابني شايف غيرهة كولي٠٠ ضرغام مااكدر افتح الموضوع واعرف كلش زين راح ترفض ٠٠وتتعصب وهيه تعبانه واني هم مالي خلك ضرغام هسة مو وكته اني جوعان٠٠٠ جاي من سفر واكل الطياره يلعب النفس تعرفيني مااكله٠٠٠٠ طول الطريق واني احلم بلمحاشي واشم ريحته يالله خلصيني سعديه وين الغده؟؟ بتول ولو هم بدلت الموضوع بس يصير خير العصر بتول عزمت الكل على سلامه رجوع ابنها ٠٠واكيد لشي ثاني ٠٠واجو اخوهة وزوجته وبناتهم ساره وسؤودد٠٠على العشه بتول حبت اتصير الفرحة فرحتين وتستغل هاي المناسبه وتطلب ايد ساره من احمد ساره جنت حيل فرحانه اليوم راح اشوفه وأملي عيوني منه كلهم يعرفون احبه ٠٠حتى اختي الجبيره سؤودد هيه كاتمه اسراري مااضم عليهة ٠٠ ابوحلها(احجيلها) دائما بلي بگلبي وهيه تسمعني بس ماادري ليش دائما تنتر بيه وتكلي ابتعدي عنه هذا ميفيدج ٠٠بس هو خطيبي من واني صغيره يعني لا مفر ههههه جنت منتضره يوم اعلان خطوبتي وزواجي بفارغ الصبر ٠٠٠ اليوم كشختي صارت مبالغ بيهة لان سمعت اليوم عمتي تعلن خطوبتنه امام العائله وبعض الاصدقاء ومسويه حفله بهاذي المناسبه اختي مجتي رغم امي لحت عليهه هيه رفضت وتحججت سؤودد ماما صديقتي راح تجيني اليوم وﻻزم اشوفها جايه من السفر ٠٠عيب منها انتوا روحوا واني اجي بعدين وراكم٠٠٠ ٠٠٠٠٠ دخلت للحفله كلش فرحانه ٠٠فرحتي اليوم مستحيل انطيهة الاحد امنيه حياتي تتحقق اليوم رحت على عمتي لكيتهة بلمطبخ اتوجه سعديه كبل رحت وياهة اساعدهة بترتيب البوفيه اشكال واتواع طباخين ممقصرين بس رايدلهم توجيهة بتول فدوه المرت ابني ممقصره١ ٠٠هم حسن وهم ام بيت ٠٠هنياله الابني بعد شيريد ساره هههههه٠٠٠٠ ياريت نعجب ٠٠ تعجبي وغصب عن اهله هههه وفي مكان اخر كان ضرغام على موعد مع سؤودد حبه الوحيد والي لاجلهة مستعد يحا رب الكل سؤدد امي كالت راح يعلنون خطبتك على سارة اليوم صحيح الي سمعته كوليي ؟؟؟ ضرغام لتخافين ٠٠٠ماكو هيجي شي ٠٠وان قر رت امي مو بكيفهه المهم اني رافض الموضوع تماما ساره مستحيل اتصير زو جتي ٠٠اني وحده بگلبي وبس حب عمري الي مكفيتني عن كل نساء العالم ردت بغضب دااكولك امك دتلح وانت تعرفهة كلش زين من اتخلي شي اباله اتسوي لو تعرف ادوس على گلبي وگلبك٠٠٠ هو كافي ياعمري انتي٠٠٠ مو داكولج ميصير شنوو اني بنظرج حته امي اتمشيني واتزوجني بكيفهة سؤودد ضرغام انت متكدر على امك٠٠٠٠ قصدي متكدر ترفضلهة طلب واني اخاف لتصير وتتزوجهه اموت والله ٠٠ ضرغام اسمع زين ٠٠٠ هذا الحجي مااريد اسمعه بعدين احنه جايين نتشاوف مو وكته ٠٠ بلحفلة سارة منتضره حبيب العمر يوصل جنت مشاقتله هوايه وارد املي عيوني بشوفته ٠٠٠ متعوده اني على الانتضار مو شي غريب اتذكر من واني صغيره يطلع يلعب ويه ولد جوارينه طوبه واني اشجعه وحاطه المنشفه والبطل مي بارد بيدي يجي يوكف انطيهة المنشفه يمسح العرك واناوشه البطل حته يبرد گلبه وكأنه مسؤوله علبه الا اهتم بي ٠٠اذا وكع توكع روحي ٠٠اظل اصرخ علبهم ليش دفعتوا وهو يجي يمي يكولي ٠٠على كيفج ترى هذا لعب مال الولد هيجي يصير لازم نتعور ٠٠٠ بعدين انتي اشجابج هنا مو كتلج لتوصلين بعد يالله ذبي البيدج وروحي ٠٠اروح البيت ركض واني زعلانه بس متاكدر شويه وارجع بس يجي يمنه للبيت٠٠٠٠ استقبله بكل لهفه ٠٠يدير وجهة ويروح الغرفه سؤودد بعد مايسلم عليه ويقشمرني بكلمتين اطير بيهن شلونج سروره حبه يكبر يوم على يوم انزرع ب گلبي صار ويه النبض مستحيل ينشلع ٠٠بتت امني نفسي بيوم اصير عروسته دخل ضرغام للحفله وهو مثل عوايده انيق جذاب خله العيون كلهة ادور عليه خاصتا البنات واني يحترك گلبي من اشوفهن ٠٠بودي اقلع عيونهن هو بس مالي ٠٠٠ مجنت اتصور بيوم من الايام راح انصدم واجه هذا اليوم من عمتي اعلنت خطبتي وياه وهيه ترحب بلكل ضرغام امي صدمتني ٠٠من قررت اتفاجئني باعلانهة الخطبتي من ساره يعني كلام سؤودد صحيح اخخ من امي لازم تفشلني بهل الطريقه وتعلن خطوبتي مردت اتعصب او اتهور واني ارفض خاتا الموضوع جان حساس امي عازمه كل اقربائنه الي يحبوهة والي منتضرين الشماته منهه واي تصرف مني راح يرجع عليهه واخسرهه للابد قررت اسكت الحد مايرحون٠٠٠ بس المصيبه الي مناويه تكعد راحه سؤودد ٠٠٠٠ نظراتهة الي جانت تحذير من القادم اذا متحركت هنا قررت حتى لا اخسر وحده منهن لا هيه ولا امي قررت اصيح ساره واعترفلهة بكلشي واخليهة هيه الي ترفض الزواج مني وتفهم امي هيه الي متريدني وبهذا اكون راضيت الطرفين يتبع بقلم الكاتبه ذكرى المندﻻوي