الثالث

1523 Words

صغيره على العشك قصه للكاتبه ذكرى المندلاوي البارت الثالث ساره وحسب ماجنت متوقعه بنص الحفلة وكف ابو ضرغام هو وعمتي حتة يحيون الجايين ويعلنون الخطبة ابو ضرغام احنه اليوم فرحنه لحضوركم وردنا تشاركونه فرحتنه بخطبه ابنه الوحيد ضرغام على سارة ضرغام معرفت شكول ﻻن ابويه وامي خلو ني امام اﻻمر الواقع عود يسوهة مفاجئه ولو جنت اعرف مسبقا وامي لمحتلي كم مره انو حتعلن خطوبتنا عن قريب بس مو بهل توقيت الخطبه هيج صارت علنيه لان أعلنوها كدام ابكل كرايب واصدقاء وبدون اي سابق انذار٠ التفتت الحب حياتي شفتها منتضرة حركة مني صرت بموقف لا احسد عليه بصراحه مااريد اخصر الاثنين اهلي وهيه بكفي ميزان واني حاير بلوسط ٠٠٠ جنت مأمل و انتظر سارة تتخذ موقف من هذا الموضوع وتحجي ويه امها٠٠ لكن هيهات اعرفها ضعيفه ومستحيل تكدر توكف بوجه عمتها وترفضلها كلمه وكدام من ؟؟كدام الحاضرين ٠٠٠بهذا تكون ت**ر كلمتها وحتزعلها منها وهذا الشي مستحيل تجرأ تسوي وعلى كولتها تحب شخص غيري وساكته الحد هسه والي جابرها زعل عمتها منها ٠٠٠ ٠٠٠ اهنا وسؤؤد متحملت جتيني تركض٠٠مو كتلك ٠٠٠ انت ما عندك كلمه ٠٠طول عمرك ضعيف امام اهلك حته بحريتك واتخاذ اصعب قرار بحياتك الا وهو اختيار شريكه حياتك شون تخليهم ياخذون هيج قرار يخص حياتك وانت واكف ﻻحول وﻻقوة اشلون ادكول على روحك اني رجل حر وهم يتحكمون بحياتك ضرغام شفتها تمادت جريتها من ايدها لويته (الظاهر انوا انتي الي ٠٠٠ متردين اليوم يمر على خير لازم تسوين مشكله) صاحت اخخ ايدي عوف ايدي شبيك انت تخبلت ؟؟ متكدر على اهلك بس شجاعتك عليه ضرغام شفتها تمادت اكثر صكيت اسنوني بغضب عصبتني ٠٠ سحبتها من ايدهة بعيد عن عين الحاضرين وصرنه اني وياها جوه شجرة البرتقال وهمست بذنها (انتي ليش متستحين شنو قصدج بهذا الكﻻم احسج ترديني اتعارك ويه اهلي مو انطيتج كلمه وخلص ٠٠٠ واني كلمتي وحده وراح اقنع امي ) سؤودد انت متكدر تحجي اي شي وي امك وصار هذا الحجي اسمعه هوايه منك والنتيجه شنو هل سمعته قبل شويه ٠٠باجر اسمع بيك متزوج وغصب عنك هاي ساره واني كلش زين عاجنتها ٠٠ ٠٠ صرخت بيها شنو قصدج اني طفل اهلي همه الي يتحكمون بيه اشوفج متستحين واني الي هواي ساكت عنج ٠٠٠ سدددي الموضوع وخلص اني باجر اسويله حل٠٠٠ سارة سمعت كلشي وغصب عني لان جنت جايه اصيحه مثل ماامرتني عمتي اتصادمت العيون الثلاثه ضرغام شتردين شجابج ورانه سؤدد ردت ٠٠٠٠٠وبنظرة تقزز شبيك جايه تسمعنه وتوصل كل الي كلناه الامك ساره انصدمت صدمت عمري سؤودد وضرغام ظليت واكفه رجليه مقا**ه تتحرك اتقربت مني اختي وعيونهه نار اتريد تض*بني انتي السبب ياحقيره ٠٠كوه٠٠٠ هو ميحبج ليش ماعندج كرامه ٠٠مو د*كولج ماريدج شكو جايه وراه ضرغام؟؟خلي عندج شويه كرامه ساره ٠٠٠دمعت عيني غصب عني الموقف جان صعب حسيت بخيانه لسنين حب وكم من المشاعر ٠٠ ضرغام معجبني اسلوبهه ويه اختها الصغيره ٠٠ لزمت ايدهة تريد تض*بهة صحت بيها كافيي وصحت بساره روحي هيه جايين وراج بس سؤدد عافلتني و سحبتها من ايدها وهيه شبه متهستره وتصيح بيهة ميحبج ٠٠هو يحبني الي من صغرنه واحنه نحب بعض وانتي واكفتلنه مثل العظمه بلزور حلي عني اني اكرهج ٠٠٠اكرهج اتمنى تموتين ٠٠ ضرغام بعدت سؤدد الي جانت متهستره وتصيح بيهة وهيه واكفه مصدومه ٠٠من الموقف ٠٠٠ الحد ماعيونها صدت بعيني وبجت اهنا اني اعترف صارت نغزه بگلبي تجاهه متحملت اشوفه ابهل المنظر كم من المشاعر والاحاسيس انتابني بذاك الوقت ٠٠٠٠ طفله وقشمروها بلعبه ساره الطفله واني اللعبه ونهايه مأساويه اكيد متمنيتها الها ماحب تكون بهل الموقف بس كان لازم تعرف ولهنا وبس ٠٠٠لازم تحط حد للكذبه الي كذبوها اهلي واهلها ٠٠٠ ساره طول عمري واني احبها ٠٠كطفله وبت خالي ومثل اختي الصغيره ومتربيه ويانه ابيتنه تقريبا من الصغر خالتي جانت هواي تعوفها يمنه او بالاحرى يمي اني اتولى مهمة حراستها ٠٠٠ وهيه جانت مثل الملاك هادئه مالهة اذيه امي هوايه تحبهة ومن البدايه جانت مقرره تكون زوجة ابنها ساره شفت نظراتها الاختي الاي بتقزز ٠٠منقهرت ولا تعصبت بكدما شفت نظراتهةهو الي بعطف تمنيت اموت بذيج اللحظه وقررت فعلا انتحر واخلص ٠٠٠٠ واخلصهم مني ٠٠٠ ضرغام صدمتني من ركضت كبل السياره ابوهة وجان السويج بداخله بعدهه سمعت شخطه وطلعت اركض وراهة صغيره وطايشه وكلام اختها صدمه الها ساره مدري ليش تصرفت هيجي ردت بس امسح هذا الشعور الي بداخل راسي من اتذكر كلامهم الي وموقفهم تجاهي ردت بس اخلص من الموقف الي اني بي اثنينهم يحبون بعض؟؟؟؟ و٠٠٠٠واني شنوو بس لا فشتله سري الي جنت ابوحه بس الها هيه تدري انو اني ٠٠٠٠ اني احبه من زمان ٠٠ مستحيل الموت اهونلي مشفت طريقه للموت اسهل غير اخذ سياره ابويه واقتلها الروحي بجيت واني اتذكر الموقف الي ميرضه يروح من كدام عيني٠٠٠ الحد ماتغوشت المناظر كلها كدامي وماكو لحظات الا اسمع صوت هورن وسياره صاره كبالي فقدت السيطره على سيارتي اووو٠٠٠٠٠٠ ضرغام لحكتها ٠٠٠ ادك هورن اريد اتباوعلي ابد سريعه خفت لتسوي حادث وفعلا انصدمت سيارتها بسياره ثانيه جانت جايه كدامها ٠٠ نزلت واني كلي يرجف التموا الناس خطيه هاي بنيه الي دتسوق دفعتهم ٠٠٠فتحت الباب ولن الدم من خشمهة ومن راسهة مدري اشصار بيهة بوقتهة ردت بس انقذها وماخليها تموت ٠٠٠ اتكرت دعاء سؤودد تندمت علي الي سويته بيها حرام اني غلطت بحق هاي الطفله الي مالها ذنب غير تعلقت بكذبه وصدكت ساره كعدت واني احس بثكل براسي كأنه فد شي يض*بني بقوه ٠٠٠ ضرغام الحمد لله على سلامتج ساره٠٠٠جانت عيني بعدها تشوف غواش بس اعرفه من صوته هووه مص*ر تعاستي ٠٠٠ مجاوبته ٠٠كمشت راسي الي وجعني بقوه وصحت اخخخ ضرغام من سوالفج ٠٠اكليها من هلكد ماانتي عنيده استلمي ردات افعالج همس وين يوجعج كوليلي ساره عوفني الحالي الي بيه مكفيني ضرغام مستحيل لتفكرين اعوفج وانتي بهل الحاله ساره مابيه شي اريد اتوديني للبيت ما ا حب المستشفى ضرغام مستحيل ساره عاندت اله اكوم اضوج من المستشفيات وريحه المعقمات تلعبها الروحي ضرغام ادري بيها تكره المستشفيات ومطيق ريحة المعقم ردت اهديها شويه الحد ما تهدأ ويمشي مفعول الابره المسكن الي قبل شويه اخذته عن طريق المغذي هسة راح اصيح الدكتور واشوفة شيكول بس انتي اهديلي شويه وحاولي تتمددين بمكانج بدون حركه ساره داكولك مااحب المستشفيات مااطيق ربحتها تلعب روحي تاخذني لو اني اروح ؟؟؟ ضرغام هذا هو اصبري اني ارجعج اكيد ضرغام كوه تحملت الحد الليل وخالتي وامي كل شويه يخابرن واني احاول اطمنهن ماكو شي ٠٠ طلعنه وهيه معصبه اكيد مني ٠٠هاي سارة الي اعرفها من زمان شكد حاولت اساعدها الزم ايدها حته ادخلها للسياره رفضت رفض قاطع ٠٠٠ ضحكت بگلبي تصرفات طفله اكيد تبقين طفله وبلطريق خابرت الميكانيكي محمد عندي سيارة جك سارة اندعمت بطريق المنصور وهذا رقمهة *******اريدك تروحلها باجر صار بس اوصل اخابرك فيمااله فيمالله التفتت عليها لكيتها نايمه اتذكرت الي صار والسبب ٠٠ اختها جانت قاسيه وياهه ٠٠٠٠ بعدهة طفله ومتستاهل كل هذا الي يصير بيها ضرغام مدري ليس اجه ابالي موقف الي وياهة٠٠٠ من جانت صغيره كانوا اﻻوﻻد دائما يتعمدون يضايقوها يجرون شعرهة وير كضون تجي عليه واتصيحلي مستنجده بيه عود اني حارسها الشخصي ومتكفل بيها ترغام ترغام اكتلهم ذوله يجرون شعري حيل ضوجوني ميخلوني العب ٠٠٠ ضرغام جنت متقمص شخصيه حارسهة الشخصي من كل عقلي و اظل افازعلها واركض وراهم والا اكتلهم حتى تضحك يالله اعوفهم ٠٠٠ انطيهه أيدي تلزمني اتمشى وهيه ويايه مفتخر اكثر منها٠٠٠ اوديهه للمحل اشتريلهة كانت مقولتها الي تخليني طاير بيهة طير ٠٠٠ ترغام اني احبك هوايه ٠٠٠ جنت بوقتها اطير والدنيه متسيعني من اسمعها منها ليش اليوم اضوج اسمعها ٠٠٠ بس ليش هيه الحد اليوم ملتزمه بهل الحب ؟؟ عمرها 18سنه وبعده زغيرة ومتفتهم شنو معنى الحب الحقيقي جاي أتأذه من أشوفها بهل الحاله متعلقة بيه والمصيبه خالتي الي هيه امها تريد تخطبها الي الحد ميصير عمرها 20سنه عشرين ونتزوج فقدت ونسيت روحي وصحت بصوت عالي واني معصب واض*ب بلستيرن هسة انتي بكل عقلج ياامي هي هاي شتفتهم بأمور الزواج بالله ساره قريب من البيت فزيت على صوت صياحه وهورن سيارتةيدك كأنما يدك براسي جنت تعبانه كلش والوجع بعده ٠٠٠ باوعتله بيأس والم ٠٠٠ كأنه خلص هذا هو لهنا تنتهي قصة حبي وياه ٠٠٠ ضرغام نظرت لي بنظرتها الطفوليه المعتاده ٠٠٠ ابتسمتلهة وهمست بعدج زعﻻنه مني ؟؟؟ اني صديقج وحارسج الشخصي ترغام لو نسيتي وكفاتي وفزعاتي ؟؟؟ للحلوة الصغيره ضرغام حاولت انسيهة باي طريقه بس هيه ابد مقفله ساره مااربد اروح للبيت ٠٠ماريد ابويه وامي يشوفوني بهل الحاله ضرغام اوديج الامي ساره وديني الرند صديقتي ٠٠٠ماارتاح اله يمهة ضرغام ياناكره الجميل ٠٠طلعت بس رند صديقتج ٠٠٠٠ واني وين صرت ساره ما اروح هسة عمتي اتكول ﻻبويه متضم عليهم اي شي متعرفهة ضرغام لتخافين اني راح احجي وياهة ولتلحين اوديج لبيتنه وخلص ساره ٠٠٠شفته تعصب كتله خلص وين ماتىيد يني مابيه حيلك وراسي بعده يوجعني واريد ارتاح ٠٠دار السياره البيتهم وهناك يله نزلي هزت كتفهة بلرفض ضحكت بگلبي هاي ساره الي اعرفها نزلت وفتحت باب السيارة عود اخوفها ٠٠صحت بيها داكولج نزلي ﻻاصيحه العمتج وخليه هي ادخلج بطريقتها ٠٠ واخيرا نزلت ومشيت وياهه الحد مدخل البيت فتحت الباب سعديه شهكت من شافت راسه مشدود وراحت تركض ﻻم ضرغام وهي هم جتي ركض ودكت علة وجهة ليش هيجي شلون صار واتفحص جسمهة كله سويتي فحص احجيلي شكو انطيني صبر لو رايحة يم امهة احسن خبلتيه للبنيه كوليلي حبيبتي وين يوجعج معليج بي عمة واللة مابي شي بس تعبانه شويه واريد انام يمة سارة اني اعرف بيج شي متأذايه حيل ضرغام عوفيه يمه ترتاحلهه شويه لتظلين تلحين علبهه سعديه اصب العشة بتول اي صبي خل تاكللهة لدمه اكيد ذابه دم هوايه ساره ﻻ عمة اشكرج مااكدر وداعتج بس اريد انام ٠٠ لتول تعالي سعديه وديهه بلغرفة المقابيل غرفة ضرغام ٠٠٠ سارة جنت تعبانه وراسي حيل يوجعني ٠٠٠ ردت بي الزم المخده ادري بعمتي تراقبني وخايفه عليه هيه الوحيده بهذا البيت الي تخاف وتهتم بيه يتبع

Free reading for new users

Scan code to download app

App Store Google Play

Facebookexpand_more