“XENA,” ang mahinang tawag na ‘yon ng kaibigan niyang si Gabbi, ang gumising sa kaniya. Napahawak siya sa ulo niya dahil sa sakit noon. Siguro dahil na rin sa kakaiyak niya at pati na rin sa hangover dahil sa pag-inom niya.
“Bakit?” tanong niya sa kaibigan pagtapos marahang bumangon sa kama nito kung saan magkatabi silang natulog.
“Eh, kasi ‘di ba sabi mo hindi mo pa naman alam kung saan ka pupunta?” tanong nito sa kaniya.
“Oo, balak ko mag-book na ng flight ngayon at kung saan mayroong available flight, doon na lang ako pupunta,” tugon naman niya rito. “Bahala na kahit saan makarating, basta gusto ko ‘yong malayo sa pamilya ko.”
“Eh kasi, nag-post ‘yong batchmate ko no’ng college, naghahanap sila ng mga volunteer teacher ngayon dahil mayroon daw silang educational mission sa Davao for
