Sumalok ako ng tubig mula sa timba at binuhos iyon sa aking ulo. Inabot ko ang maliit na kahon na naglalaman ng mga binigay sa akin ni Benjie na mga sabon at shampoo. Pasalubong ng nanay niya ang mga iyon noong nanggaling ang pamilya niya sa Europa. Binigyan niya rin ako upang masubukan daw namin kung totoong madadagdagan ang level ng kapogian namin sa paggamit ng mga nasabing abubot.
"Bakit ba kailangan ko pa ang mga iyan samantalang perpekto na ang aking itsura?" tanong ko sa kanya.
"Iba ka rin, Anghel. Hindi magandang ugali ang kayabangan. Tularan mo ako, kahit sawang-sawa na sa papuri ng mga tao sa aking "exceptionally good looks", humble lang. Hindi ba, Chippy, The Sheep? Hahaha!"
"Bah*!" maligayang pagsang-ayon ng alaga niyang tupa habang naglalaro sila ng trumpo.
(Yes na yes, B
