"Birthday ko ngayon! Happy birthday to me! Happy birthday to me!" pag-awit niya sa sarili. Tinapik pa niya ako sa braso at hinikayat na sabayan siya. "Kantahan mo ako, dali!"
"Ayaw ko nga." kunwaring pagsusungit ko. Kinuha ko ang takure at nagbuhos ng mainit na tubig sa tasa niya na may kape. Hinalo ko iyon at nilapag sa mesa para inumin niya. "Mag-almusal ka na."
"Hay! Ikaw naman, hindi mo pa ako mapagbigyan!" Nagtungo na siya sa may hapag-kainan at umupo. "Halika na nga, baka gutom lang 'yan. Baka kapag nabusog ka, aawitan at sasayawan mo pa ako."
Pumwesto ako sa may harap niya at pinagmasdan siya. Napakaaliwalas ng kanyang mukha at halatang maganda ang gising niya. Dahan-dahang humigop siya ng kape at sumubo ng pandesal. Kahit sa pamamaraan ng pagkain niya ay nahihiwagaan ako sa ka
