"Pwede ba kitang makausap?"
"Kinakausap mo na ako." tugon ko sa katanungan niya. Binuhos ko ang asukal sa kawali at hinalo iyon sa mantika upang matunaw. Nanatili siyang tahimik habang sinasalin ko naman ang mga saging na saba. "Akala ko ba may sasabihin ka."
"Doon tayo." Tinuro ni Benjie ang Simbahan na ilang metro lang ang layo mula sa canteen ng Unibersidad na kinontrata ni Annie para sa pwesto ng kanyang negosyo. "Sandali lang ito."
"Mamaya na lang. Magluluto pa ako ng palabok. Malapit ng lumabas ang mga estudyante upang magmeryenda."
"Sige na. Tutulungan kitang magluto. Tara na." pamimilit pa rin niya.
Binaba ko ang sandok at tinuon ang atensyon ko sa kanya.
"Napakakulit mo. Importante ba 'yan?"
"Oo e." Pasimple siyang tumingin kay Annie. Lumapit pa siya at bumulong. "Hindi dap
