SHAO’s POV
Pagbaba ko mula sa aking kwarto, napangiti ako ng makita kong maliwanag sa living room. Nandito na ang aking mahal. Unang araw at tinupad niya ang usapan namin.
Wala siya rito sa living room at lahat ng ilaw ay bukas. Binuksan ko muna ang component. Gusto ko kasi ay may music akong naririnig kahit mahina lang.
Nakita ko nga siya sa kitchen at nagluluto na ito. Mas lalo akong napangiti. Nasa isang bahay kami at heto siya nagluluto. Para kaming mag-asawa na inaasikaso ako. Wala sa kontrata na gagawa siya rito sa bahay. Kayang-kaya ko ang lahat ng trabaho rito. Masaya naman siya sa ginagawa niya kaya hahayaan ko siya. Pero ang mayakap siya at mahalikan ay hindi ko pwedeng palampasin.
Nagdahan-dahan pa ako sa paglapit sa kanya. Nagulat ko siya dahil sa ginawa ko. Hindi naman
