BEBENG’s POV
Role playing ba ito? Kailangan namin mag-pretend na may relasyon kami. At ito nga ang ginagawa ni Shao. Ayaw na niya ng Shaolyn at Shao na lang. Mas maganda at mas madaling sabihin dahil umikli. Lalakin a ngayong pakinggan kung Shao lang. Para kasing babae ang name niya dahil sa huling syllable.
Matapos ang ginawa namin ay nahiga siyang muli sa tabi ko. Niyakap pa niya ako at pinahiga pa ako sa kanyang bisig. Kayang-kaya niya akong itago sa laki ng kanyang katawan. Wala pa rin kaming saplot na dalawa at nararamdaman ko pa ang kanyang alaga sa gilid ng hita ko.
Pati ba ang tawagan ay kailangan baguhin sa gusto niyang mangyari? Nagulat ako sa pagtawag niya sa akin ng mahal. Mahal niya ako ngayon at pagkatapos ng oras namin at wala na ako ay hindi na? Ano bang aasahan ko?
