BEBENG’s POV
Tuloy lang ang buhay. Kung mawawala man ang malaking kita ko, baka may mahanap pa akong ibang trabaho. Kung babalik ako sa club, pwedeng magtagpo ulit kami ni Shaolyn. Hindi man niya ako i-tabLe, ayaw ko pa rin siyang makita.
Baka hindi pa panahon para maoperahan kami ni Mama. Itatago ko na lang muna ang pera. Siguro dagdagan ko na lang kahit paunti-unti, pasasaan at makukumpleto ko rin ang kailangang halaga. Baka may makuha pa akong ibang trabaho na pang-gabi. Pwede rin ay magtinda ako. Kukuha ako sa pera para sa capital na kakailanganin ko sa pagtitinda. Pwede na ang balot at chicharon. Kaya lang ay wala kaming kalan sa bahay, hindi pwede ang ganoong paninda. Pwede hahango ako, pero saan?
“Ate Beng, kanina ka pa tulala d’yan? May problema ka ba? Hindi pa kita nakitang n
