"HAPPY NEW YEAR!!!!"
Isang masaya at masiglang pagsalubong sa bagong taon ang ginawa ng buong pamilya. Gaya ng dati, marami ang inihanda si Melissa sa araw na yun. Mahilig kasi itong magluto lalo na tuwing may okasyon katulad nalang ng bagong taon. Kabilang din sa kanilang mga bisita ang mga tauhan sa kanilang pamilihan. Kung hindi kasi nakakauwi ang mga ito sa kani-kanilang mga probinsya, pinipili nilang mag diwang ng bagong taon kasama ang kanilang mga amo. Hindi na rin kasi iba ang turing ng mga ito sa kanila. Isa pa, tuwing ganitong okasyon, may mga regalo at bonus silang natatanggap. Ito na kasi ang pinaka "Christmas" ng pamilya. Kahit pa sabihing hindi nagiging maganda ang takbo ng kabuhayan nila ngayon, sinusubok naman nilang masuklian ng tama ang sipag at dedikasyon ng mga ito sa
