Balisa at hindi mapalagay ang mga babaeng nasa bakuran ng bahay. Tila ba may mga pangyayaring pilit nilang binabalikan at inuunawa sa pagkakataon na yun. Mababakas naman sa mukha ni Lea ang pangamba ng mga sandaling yun habang pinapakinggan ang mga kwento ng mga kausap. Sila ang mga kaibigan ng kanilang tauhan na pansamantalang nakitulog sa bahay dahil mas malapit ito sa opisina ng agency na kanilang papasukan. Nakiusap ang mga ito na dito muna manatili ng isang gabi. Pero, para bang mali ang naging desisyon nilang mag-stay ng sa bahay na ‘to.
Ito ang eksenang nadatnan ng magkapatid na si Chloe at Jane isang umaga sa kanilang bakuran. Dali-dali naman sumakay sa swing ang mga bata kung san nag-uusap sina Lea at ang mga babae. Inakala nilang isa itong tipikal na pag-uusap. Sabik din kasi si
