“Oh, unahin niyo yan ah,ingatan niyo, babasagin yan!”, sigaw ng papa ng mga bata habang pinapangunahan ang pagbubuhat ng mga gamit palabas ng bahay. Sinasabihan nito ang kaniyang mga tauhan habang binubuhat palabas ng bahay ang kanilang mga gamit.
Sa wakas! Lilisanin na nila ang bahay na ito. Ang bahay na nagdala ng sobrang katatakutan sa buhay nila. Ang bahay na nagpabago sa takbo ng buhay nila. Magkahalong tuwa at lungkot naman ang nararamdaman ng bawat isa. Tuwa, dahil makakaalis na sila sa bahay na kilala at tinuring nilang “Haunted House”. Lungkot, dahil kahit papano naging bahagi at naging malaking parte rin ito ng kanilang buhay sa loob ng dalawang taon. Marami rin naman silang memories na maiiwan sa bahay na to. Mabuti man o masama, lahat nang iyon, naging parte ng pagkatao ng ba
