"Ate natatakot ako"
"Ako din. Lagot tayo nito kay papa!"
Takot na takot sila Jane at Angelica. Ganun din naman ang iba pa nilang kapatid. Mainit kasi ang ulo ng papa nila nang makausap nila ito sa telepono. Hula nila, nag-away nanaman ang kanilang mga magulang. At sa malas pa, mukhang madadamay sila ngayong gabi sa galit ng kanilang ama. Ito ang bagay na kinatatakutan nila tuwing may hindi pagkaka-unawaan ang kanilang mga magulang. Yung sila ang maging tagasalo ng galit o inis ng sino man sa kanilang dalawa.
Ilang buwan na rin na ganito ang eksena sa kanilang pamilya. Bukod sa madalas nilang marinig ang away ng mama at papa nila, naririnig din nila ang mga kwento mula sa kanilang mga kasambahay tungkol dito. Ramdam nila ang pagbabagong ito sa loob ng kanilang tahanan. Yung dating masay
