منين قال ليه الوسيط ديالو باللي وجد المكان اللي غايجلسو فيه في المدينة المجاورة مابقاش بغا يتسنى مزال ..
كان خروجو من د*ك الفيلا بعد شهور من الاعتكاف -الاكتئابي- فيها غريب ، و لكن كان عارف هاد اليوم غايجي ..
خاصة انه هاد المرة خارج و عارف انه قريب منها .. قرب يوصل ليها ..
مشاعر الحزن رافقاتو بزاف .. اكتر مما قادر يحسب و لكن اليوم زاد عليهم شوية الحماس ، كايتشوق كلما تخيل كيفاش غايكونو عينيها فاش غايلمعو له كيف غايلمعو عيونو ليها ، فاش غاتقرب له و غايتلقفها بين يديه ، فاش غاترتاح بين يديه كيف غايرتاح بقربها ، كايتشوق منين كايتخيل فكرة ان الخلاص ديالو قريب ..
ماكانش عليه يفكر يأجل لقاؤهم ، كان ممكن تكون معاه دابا ، والدين او لا ، المهم كانت غاتكون معاه و صافي ، كان ملاهي مع شؤون حياة البشريين -الفلوس و السلطة- و مأخود فيها حتى نسا حقيقتو ، متجاهل حقيقة ان ذكور الحراس كاتوقف الحياة عندهم
