Inayos ko ang aking shades habang ipinapatong ko ang aking siko sa counter. Luminga ako sa paligid upang pagmasdan kung may nakatingin ba sa akin na mga tao. Noong wala namang nakatingin sa akin ay ibinalik ko ang atensyon ko sa babaeng cashier.
“Miss, one ticket for that movie,” sabi ko sa kaniya habang itinuturo ang poster na nasa likod niya. Napatigil siya sa pagbibilang ng pera sa kaha niya at napatingin siya sa akin.
“Alin po, Ma’am?” tanong niya sa akin. Napabuntong hininga ako dahil sa pagiging unattentive niya. Muli kong itinuro ang poster ng movie ko. Lumingon naman siya upang sundan nang tingin ang daliri ko.
“Yung movie na Unforgetabble Moment,” sagot ko sa kaniya at hindi pa rin inaalis ang pagkakaturo sa poster.
Ang ganda ko pa naman sa poster na iyon. Nililipad ang hair
