KAHIT anong pagpipigil ni Lauren ay hindi niya kinaya ang kanyang mga luha. Kung bakit naman kasi nagmahal siya sa taong ayaw sa kanya.
Akala niya ay kinalimutan na niya ang lalaki, ngunit heto at sa simpleng bagay ay kaya siya nitong saktan. Sakit na kayang dikdikin ang kaloob-looban ng kanyang damdamin.
Nakalimutan mo na ba, Lauren, hindi ka mahal ng taong minamahal mo? Sayang ang mga luha mo sa taong ayaw sa’yo.
Hindi nga ba’t iniwan siya nito? Tinapos nito ang kanilang kasunduan sa kasal matapos niyang ialay ang kanyang sarili. Ganito kasama si Finn, ngunit heto at patuloy siyang umiiyak dahil napatunayan niya na patuloy din siyang nagmamahal. Akala kasi ni Lauren ay natapos na ang lahat—akala niya ay nakalimutan na niya ang damdamin niya rito.
Nakayuko siyang humihikbi kaya hi
