"Kumusta ka na, Beshie?" tanong ni Katrina kay Lianne habang kumakain silang dalawa sa isang restaurant. Hindi na nito itinuloy ang pag-alis sana sa bansa para magtrabaho sa Canada na labis na ipinagpasalamat ni Lianne.
"Maayos naman," tugon niya nang hindi inaalis ang paningin sa sariling plato. Umorder siya ng pagkarami-raming pagkain kaya kanina pa nakakunot ang noo ni Katrina.
Tinitigan siya nito sa mga mata. "Lianne bes, may problema ka ba?" Nag-aalangan ito kung sasabihin ang nasaksihan kagabi sa bar. "Parang tumataba ka yata. Parang stress na stress ka." Pasimple itong uminom ng tubig dahil kanina pa nahihiwagaan sa mga kilos ni Lianne.
Tumigil siya sa pagnguya at itinuro ang sarili. "Ako stress? Hindi, ah. Nasa mood lang ako kumain nitong mga nakaraang linggo kaya tumataba ako.
