Mag-a-alas sais na ng gabi nang magpasya siyang umuwi. Laking pasasalamat niya na nagmagandang loob si Issy na ihatid siya dahil mahirap mag-abang ng taxi sa labas ng subdibisyon kung saan naroon ang mansiyon ng gobernador. Kailangan niya pang maglakad ng ilang minuto palabas sa lugar na 'yon makakuha lang ng taxi.
"Thank you, Bes," saad niya habang binabaybay nila ang daan pauwi sa bahay nila ni Gerard.
Tumaas ang isang kilay ni Issy. Nilingon siya nito saglit na parang nagtatanong kung bakit nagpapasalamat siya. Muli rin nitong itinuon ang paningin sa kalsada.
"Sa paghatid sa akin. Nag-abala ka pang ihatid ako sa bahay, e, kaya ko namang mag-abang ng taxi. Nahihiya na ako sa 'yo."
"That's not a good idea, Bes. Hindi 'yon magugustuhan ni Kuya Russel kapag nalaman na hinayaan kitang
