ومعاها سكن كويس زي ما انت بتقول ده غير أنها بعيدة جدا عن هنا وعن الناس اللي كل شوية يأذوني ويعايروني ويبعدوا عني، هناك فعلا انا هحس اني مخلوق جديد، مولود لسة يدوب خارج للدنيا هيبتدي لسة من أول وجديد، والناس اللي حواليا مش هيعرفوا عني إي حاجة غير اللي هما شايفينه مني ومعاملتي ليهم ومش هينفروا مني زي ما الناس هنا بتعمل يعني بمعنى اصح حياة مختلفة خالص عن هنا، ووالدتي كمان هتكون معايا، جنبي وهكون مطمن عليها.
ظهرت علامات التعجب على وجه أحمد وهو يقول: طيب وهي فين المشكلة ما الوظيفة كلها مزايا أهي، هي اينعم بعيدة حبتين بس ده طلبك وانت اللي عايز كدة يبقى فيه ايه بقا؟.
تن*د مسعود وهو يقول: المشكلة مش في الوظيفة نفسها ولا في مكانها البعيد دي ميزة بالنسبة ليا زي ما انت عارف لكن المشكلة فعلا في المزرعة نفسها وفي صاحبها.
_ازاي طيب؟.
بدا الضيق على وجه مسعود وهو يقول: يعني بعد كل اللي انا حكتهولك ده
