تململ أحمد في جلسته وهو يقول: والله عندك حق انا المفروض الست دي ما تعرفش أي حاجة عننا يمكن تسيبنا في حالنا بقا أحسن الواحد خلاص بدأ يزهق وأنا نفسي أعيش مرتاح زي باقي الناس.
ربت مسعود على كتفه وهو يقول: أن شاء الله يحصل كل خير ما تقلقش انت بس قول يارب.
نظر أحمد إلى السماء وهو يقول: يارب.
رقد مسعود على الرمال، ظل ينظر إلى السماء للحظات ثم أغمض عينيه وهو يقول: ده المكان الوحيد اللي هنا هيوحشني.
رقد أحمد هو الآخر وهو يقول: عندك حق والله أنا لما باجي هنا بحس اني بغسل نفسي غسل من كل الهموم.
ظلا على هذه الحال قرابة الساعة ثم نهض مسعود وهو يقول: يلا بقا نروح النهاردة علشان والدتي اكيد هتقلق عليا.
نهض أحمد وهو ينفض الرمال عن ملابسه ويقول: ما تخلينا قاعدين شوية.
نظر إليه مسعود وهو يقول: والدتي اكيد قلقانة عليا هي ما تعرفش اني هقابلك وأنا من ساعة ما خرجت الصبح للشغل وأنا ما كلمتهاش.
زفر أحمد
