PAGDATING NG MAYNILA ay kaagad na tinawagan ni Arwin ang Attorney ng kanyang ama upang hanapan ng bahay si Dyna. Gusto niyang manatili na ito sa Maynila kung nasaan niya. Kaya pinaninindigan niya na hindi niya ibibinta ang bahay ay dahil hindi naman sa kanya pinamana ang malaking bahay sa San Nicolas kundi kay Dyna. Hanggat maari ay ayaw niyang mangialam ang kanyang lola sa ari-arian ng kanyang ama dahil ayaw niyang matuklasan nito ang last will and testament ng ama.
“Sasama ka ba?” tanong sa kanya ni Attorney sa kabilang linya.
“Hindi, ayokong pagdudahan ni Lola. Gusto kong maghanap ka ng bahay na lilipatan niya rito at ilagay mo sa kanyang pangalan,” utos niya pa rito.
“Sige pero Arwin nag-aalala ako sa plano mo. Paano kung matuklasan ng lola mo ang nangyari? Sigurado akong hindi niya
