“At ito nga ang nakikita naming dahilan kung bakit hindi tumitigil ang Night Terrors na atakihin ka, Zeke. Hindi malayo na gusto ng mga ito na buhayin mula ang panginoon nila na matagal nang humimlay, salamat kay Ezekiel. Gagamitin ng mga ito ang dugo mo, gagawin kang alay sa ritwal na kanilang gagawin. Sa ganoong paraan ay hindi sila mahihirapan na buhayin muli ang kanilang panginoon.”
Mamumutla si Zeke sa kanyang narinig. Taliwas sa kanyang inaasahan ang inilahad ni Council Emilio. Ang akala niya ay nakatadhana siya na maging katulad at sumunod sa yapak ni Ezekiel. Ngunit sa huli, tama pa rin ang kanyang iniisip. Balak ng mga Night Terror na patayin siya sa pamamagitan ng pag-alay sa kanya upang magamit ang kanyng dugo sa ritwal ng pagbubuhay ng panginoon ng mga Night Terror. Mararamdam
