Ika-tatlumput isang kabanata
ASYANA “Bakit kayo umalis sa emperyo? Alam ba ni Ina ang tungkol sa’yo?” Mapait siyang ngumiti at umiling sa akin. “Hindi na kailangan pang malaman ni Maria ang tungkol sa akin. Hindi niya ako nakagisnan na ina. Malaki ang naging kasalanan ko sa kanya kaya nararapat lamang na pagdusahan ko ito hangang sa aking huling hininga. Nang dahil sa akin…naging miserable ang buhay niyong lahat. Nang dahil sa akin, ilang taon siyang nagdusa dahil sa pagkawala ng kanyang kambal. Sarili kong kadugo ang binigyan ko ng sumpa. Kaya nararapat lang sa isang katulad ko ang lumisan at antayin ang aking kamatayan nang nag-iisa. Nang sa ganun, dalhin ko hangang kabilang buhay…ang lahat ng masasamang ginawa ko sa inyong lahat…” humihikbing sabi niya sa akin. Hindi ko na napigilan ang aking sarili na lapitan
- Writer
