ILANG segundo rin akong nakatitig lang sa calling card na ibinigay sa akin ni Mother Lily. Very tempting ang alok niya. Kating-kati na nga ang bibig ko na um-oo at sabihin sa kaniya kung gaano ko kagusto ang offer niya. Pero sa huli ay unti-unti kong hiniwalay ang tingin ko sa card saka ko inilipat ang aking tingin sa kaniya.
Ngumiti ako habang nilalaro sa aking kamay ang sling ng aking bag. “Dati, sobrang pangarap ko po talaga ang magsuot ng iba’t ibang damit at irampa iyon sa harap ng maraming tao. Gustong-gusto ko po kasi iyong paghanga sa mga mata ng mga manonood na nakikita ko sa tuwing rumarampa ako suot-suot ang makukulay at magagandang damit. Doon ko lang kasi nararanasan ang mahalin, purihin at hangaan ng lahat. Pero sa ngayon, Mother, nahanap ko na kasi ang mas mahalaga pa sa
