NAIS ko pa sanang magpatuloy sa trail ngunit nagdesisyon na lang si Jacob na mauna na kami sa aming tinutuluyan.
Oh, ’di ba, paladesisyon?
“Jacob, sure ka ba talaga na ayaw mo nang pumunta sa Hanging Coffins? Gusto kong makita ’yon,” muli kong pangungulit kay Jacob na kasalukuyang karga-karga ako sa kaniyang likod.
Saglit niya akong nilingon mula sa kaniyang gilid saka muling itinuon ang tingin sa daan. “Marami pang oras para diyan, Louise. Hindi lang iisa ang araw. Saka hindi na kakayanin ng paa mo ang paglalakad kaya huwag mo nang ipilit.”
Natahimik na lang ako dahil wala rin naman akong magagawa sa kasalukuyan. Na-sprain ang kaliwa kong paa at hindi makapaglakad nang maayos. So, tama nga naman siya na hindi na ipagpatuloy ang trail. Alangan naman na i-piggy back niya ako sa trail. E
