“OH my gosh!” tili ni Matet nang bumungad siya rito sa kuwarto.
Nahulog nito ang hawak na tsitsirya kaya nagkalat iyon sa sahig. Sapo-sapo pa nito ang bibig habang parang tangang pinagsalitan kaming tingnan ni Jacob.
Nakahiga ako sa kama, nakataas nang bahagya ang dalawang mga binti habang nakabukaka sa ilalim ng kumot. Si Jacob naman ay nasa aking paanan . . . nakahubad.
“Hoy! Nakakabulahaw ka!” sikmat ko agad sa kaniya sa takot na mapagalitan kami at mapaalis nang wala sa oras dito sa tinutuluyan namin.
Ang hirap pa naman maghanap ng matutuluyan dito dahil peak season. Puro punuhan ang mga inn, hotel at lodge kaya kahit may mag-check out, agad din iyong napapalitan ng panibagong magtse-check in.
“Sana kasi nagla-lock kayo ng pinto kapag gagawa ng rated spg, ’di ba?” Tumaas ang g
