Louise
NAG-INIT ang magkabilang sulok ng aking mga mata habang sinusundan ang papalayo nilang bulto. Nakayakap ang kanang kamay ni Monique sa bewang ni Jacob habang siya naman ay nakaakbay sa kaniya.
Hindi naglaon nang tuluyang malaglag ang mga luha sa magkabila kong mata nang sandaling halikan ni Jacob si Monique sa noo. Nagkatinginan pa sila at matamis na nagngitian. Pagkatapos no’n ay parang batang ginulo ni Jacob ang buhok ni Monique bago muling inakbayan. Para tuloy akong nanalamin dahil kagaya din iyon ng ginagawa niya sa akin noon. . . Noong akala ko ay tapat at dalisay ang pagmamahal niya sa akin.
Nakagat ko ang aking pang-ibabang labi sabay punas sa aking luha na lumandas sa aking pisngi gamit ang aking panggitnang daliri. Napabaling ang aking tingin sa ibang direksyon nang bi
