“CAN I join you, guys?”
Natigil ang lahat sa pagtawa at halos sabay-sabay na napatingin sa taong nasa aking likuran. Hindi ko na kailangang lumingon pa dahil kilalang-kilala ko ang boses niya.
Lahat sila ay may nakapaskil na ngiti habang pinagsasalit-salit kaming tingnan ni Jacob. Nagsikuhan pa sina Matet at ang isang kasama naming volunteer dito sa ampunan kaya hindi ko maiwasang makadama ng pagkailang. Mapaglaro ang mga ngiti nila. Tila nanunukso at may nais ipahiwatig.
Ako naman ay tila biglang nanuyo ang lalamunan kaya kinuha ko ang juice na nasa aking harapan saka ito dere-deretsong ininom hanggang sa masaid ang laman nito. Nanginginig ang mga kamay ko, kingina!
“Sure, Jacob.”
Si Matet ang mabilis na sumagot kay Jacob na ikinabigla ko. I look at her with disbelief sabay pasi
