Anak si Ireta ni Dante sa babaeng hindi nito asawa. Iyon ang babaeng inasawa ni Isidro Regueler. Ibig sabihin ay si Dante ang kumuha kay Ireta mula sa poder ng totoo nitong ina, at hindi ang mga kalaban ni Isidro Regueler.
Pumalatak si Lukas. Dinaig pa ni Ireta ang trompo na bumunggo sa napakaraming sulok. Kung saan-saan kasi ito nakarating. Ang dami nang tumangay dito. Pero sa huli ay sa kamay lang din pala niya ito babagsak.
At hindi nito puwedeng malaman ang tungkol sa totoong kaugnayan nito kay Dante Blackwood, dahil baka mas piliin nitong sumama sa tunay na ama, at sa kapatid nitong si Damien kahit na ba kapatid lang nito ang lalaki sa ama. Hindi puwede iyon. Hindi siya nito puwedeng abandonahin.
Kanya lang si Ireta, si Devina, o Laya. Kanya lang ito. Kahit na magkaroon pa ito ng
