PABAGSAK na humiga sa kama si Tallulah matapos niyang pumasok sa silid niya. Hindi niya alam kung hanggang kailan niya kayang tiisin ang lahat dahil utay-utay na niyang nararamdaman ang pagod at sakit na para sa kaniya'y hindi na niya deserve.
Bumuntonghininga siya at tumitig sa kisame. "Hanggang ngayon, nagpapaka-martyr ka pa rin sa lalaking walang ibang ginawa kung 'di saktan ka. Hanggang kailan ka magtitiis, Tali?" aniya sa sarili. Naramdaman na lang niya ang luhang pumatak sa kaniyang mga mata.
Naalala niya lahat ng ginawa niya noon para lang mahalin ni Gael. Nagpakatanga siya, nagpaka-martyr at tiniis lahat ng sakit na pinaramdam sa kaniya ng binata. Ibinaba niya ang sarili niya para lang mahalin nito at akala niya'y matatapos iyon nang mawala ito pero kailangan pala ulit niyang ga
