"HAIST!" Inis na nagpagulong-gulong si Tallulah sa kaniyang higaan dahil hanggang ngayon hindi pa rin mawala sa isip niya ang sinabi ni Gael sa kaniya kanina habang ginagamot niya ang sugat nito. Bakit parang seryoso ang binata roon? "Ano ba, Tali? Hindi ka dapat maapektuhan sa laro ni Kuya Gael," pagpapakalma niya sa sarili.
Kapagkuwa'y bumangon siya sa mula sa pagkakahiga at nakasimangot na tumingala. Naiinis siya sa sarili niya naapektuhan siya sa binata. Umiling siya. Wala siyang dapat maramdaman para kay Gael kung 'di awa at konsensiya.
Bumuntong-hininga siya nang maalala si Kendric. Sinubukan niyang tawagan at i-text ang binata pero hindi siya nito sinasagot. Nag-aalala siya para sa nobyo dahil alam niyang nasaktan niya ito ng labis.
Kapagkuwa'y nagpasiya siyang bumaba ng silid pa
