PAGKATAPOS makapagbihis ay hindi malaman ni Aifa ang gagawin. She wonder how could she easily succumb into Luke’s alluring eyes. Kahit ilang beses niyang sabihin sa sarili na hindi dapat siya nagpapadala sa mga titig ng binata ay hindi niya madiktahan ang sariling puso at katawan niya.
Sinilip ng dalaga ang binata sa pintuan. Ayaw na sana niyang magpakita rito dahil sa nadamang kahihiyan ngunit hindi naman niya maaaring pabayaan itong manatili sa tubig. Ni hindi niya alam kung nakaahon na ba ito. Hindi pa magaling si Luke at kailangan pa nito ng kaniyang pag-aalaga.
Kumabog ang dibdib niya nang makitang papasok sa loob ang binata sakay sa wheelchair nito. Kung paano nitong nagawang umahon sa pool at maupo sa silyang gulong na iyon ay hindi niya alam. Marahil ay sinikap nitong makaahon.
