SIYA’Y aalagaan daw ni Adam. Paulit-ulit ang sinabing iyon ni Xander kanina bago pa man sila lumabas aa bahay nina Keith Louisse. Nais niya lamang na matuwa nang lubos. Bakit ba ang lakas ng impact sa kaniya ng binatang ‘to? Kilig na naman siya’t ang inis niya kanina ay bigla nang napawi. Palihim siyang natawa. Nauunang naglakad si Adam sa kaniya. Parang tanga lang siyang nakatingin dito habang naglalakad sila palabas.
Natigilan lamang siya nang may tumawag sa knaiya mula sa kaniyang likuran at nakita niya mula roon si Xander na may dala-dalang susi.
“Walang dalang sasakyan si Adam kaya mabuti pang kunin mo na—”
“No.” Si Adam ang sumagot sa kanila. “I won’t drive. Nakainom ako,” diretsong sabi nito. Nahalata nga rin ni Fabella na nakainom na talaga ‘to kaya hindi siya kukuntra sa sin
