"Masyado ka nang workaholic, Tita. Bakit hindi ka muna mag-relax?" wika ni Lincoln sa kanya nang puntahan siya nito sa opisina. Katatapos lang ng annual meeting at naitalaga na si Lincoln bilang bagong CEO ng shipping company. Iyon naman ang matagal niya nang gusto. Hinintay lang niyang maging handa ang anak ni Luke para pamahalaan ang kompanya ng Daddy nito.
"Tatapusin ko lang ang mga paper works na 'to para wala na akong iniisip pa."
"Pero parte pa naman ho kayo ng company Tita. Iniwan ni Dad sa inyo ang ten percent at five percent kay Larah."
"Hindi naman ako aalis sa kompanya. Ako pa rin ang hahawak sa Finance," natatawa niyang wika. "May field trip kasi si Larah sa Camp Trece sa Tagaytay bukas kaya sasamahan ko. Tapos si Brant naglalambing ng dinner pagbalik namin dahil kasama daw
