"Mahihirapan tayong mabawi ang anak mo sa korte dahil pumirma ka sa kasunduan na hindi ka maghahabol kailanman," wika ng abogado na nagpawala sa lahat ng pag-asa ni Maliyah. "Bukod sa legal silang kasal, may adoption papers kang pinirmahan."
"Pero napilitan lang siyang pumirma dahil may kaso silang isinampa sa kanya, attorney. Hindi ba malinaw na pangba-blackmail 'yun?" ani Luke.
"Blackmail or not, ang titingnan ng korte ay ang legalities sa pagkuha ng bata ng ama nito."
"Bigyan niyo ng pag-asa si Maliyah na mababawi niya ang anak niya, attorney."
"Unfortunately, adoption is a permanent decision, Luke. This is to protect the interest of the baby."
Tumayo siya at tinanaw ang buong kamaynilaan mula sa salaming dingding na nakapalibot sa building ng St. Therese Integrative Center.
