“AY, ANG TARAY!”
Napatingin si Cai kay Petra pagkatapos niyang bayaran ang sinakyan nilang tricycle. “Ang alin?”
May itinuro si Petra. “Iyong mag-jowa. Look, o. Parang lalanggamin na naman sa sobrang ka-sweet-an.”
Hindi na halos narinig ni Cai ang mga sinabi ni Petra dahil nakatingin na siya kina Wilder at Ginger. Natiyempuhan pa nga niyang inalayan ng bulaklak ni Wilder si Ginger. Kaagad na nanikip ang kanyang dibdib. Napuno siya ng selos at inggit. Nasasaktan siya sa tanawin. Hindi niya magawang mainis o magalit dahil wala naman siyang karapatang makaramdam ng kahit na ano. Mag-boyfriend ang dalawa. Kaibigan lang siya. Siya lang itong nagmamahal nang lihim, nakamasid mula sa malayo at humihiling ng himala.
Humugot nang malalim na hininga si Cai. Kahit na mahirap ay pinilit niya ang s
