SHEINA
"Pumayag ka na naman?" Nakaarko ang isang kilay ni Larry nang ikwento ko sa kanila nina Claire, Morrie at Raffy ang mga nangyari nang magkita kami ni Jeron kanina. Alam kong hindi pa rin siya okay kay Jeron, pero hindi naman siya galit sa ginawa ko kaya I took it as a sign. Nandito na ako ngayon sa farm nina Larry at nilalantakan na nila ang dala kong pizza na lumamig na rin dahil sa tagal naming pag-uusap ni Jeron kanina. "Sheina, alam mo naman kung ano 'yang pinapasok mo, 'no?"
Tumango ako pero for some reason ay hindi ko matingnan sa mga mata niya si Larry. Nahihiya siguro ako dahil sa ginawa ko. "Yun daw ang hiling ng bata eh, so alangan namang tumanggi ako. Hindi ko naman kailangang idamay ang bata sa issue ko kina Jeron..."
"Tama, saka ang cute-cute ni baby Randel kaya," sa
