SHEINA
"Sinasadya niya yan," sabi sa akin ni Larry nang ikwento ko sa kanya ang tungkol kay Jeron. "Mukhang may balak na makipagbalikan sa 'yo ang lalaking yun. At saka ano pa ba ang dahilan niya kung bakit siya nag-apply doon? Tama ka na kinompronta mo siya para malaman niyang hindi ka tanga gaya ng inaakala niya."
"Oo nga, Ate Sheina," sabi rin ni Claire na nakaupo sa tabi ng jowa niya. Nandito kami ngayon sa farm nina Larry. Bale mula nang umuwi ako rito sa probinsya ay dito na namin nakagawiang magtambay. Ito na nga yata ang official tambayan namin at para sa akin advantage ito dahil ang daming naghahanap sa akin sa bahay. Kung hindi si Joni, si Mrs. De Vera naman. "Halata namang hinahabol ka pa ni Doc. Jeron. Doktor na siya eh. Tapos maga-apply siya as an instructor? Sobrang nakakap
