Simple nga lang ang loob ng silid na ipinagamit sa kanila ni Matteo. May katamtamang kapal ng kutson na nakapatong sa kahoy na kama. Kulay puti ang bedsheet niyon at eksakto lang para sa dalawang tao. Mayroon din iyong sariling banyo at isang hindi kalakihang cabinet, na nahihinuha na niyang naglalaman ng mga damit na maaari nilang magamit ng kaibigan. Mayroon iyong isang bedside table at isa pang maliit na lamesang kawayan sa isang sulok. Siguro, para may mapatungan ng gamit. At gaya nang sofa sa labas, mayroon din doong upuang kawayan.
“You know what—”
“This is a great chance, dear. Huwag ka ng umangal pa dahil alam mo namang may kapalit ang ginagawa nating ito,” mabilis na putol ni Gabby sa sasabihin niya.
Pinaningkitan niya ito nang masama. “Ewan ko sa iyo, Gabby. Kapag hindi ka tum
