Pag-akyat ni Lorabelle sa silid ay agad nagtungo sa banyo para maghilamos at makapagbihis ng luma niyang damit. Hindi niya gustong gumamit pa ng damit ni Denisse dahil di rin naman siya napansin ni Alejandro. Parang pinagtawanan lang naman siya ni Erika dahil nagta-trying hard siyang maging katulad ng mga Silvestre.
Pinagmasdan niya ang sarili sa salamin. Kung ganda lang ang pag-uusapan ay malayo ang lamang niya sa babaeng 'yon. Alam niya noon pa man na may gusto ito sa asawa niya. Kalat ang balitang iyon sa hacienda. Kung bakit hindi ito ang ipinagkasundo ng mga biyenan kay Alejandro ay hindi niya alam. Pero tama si Clarence; mas bagay ang dalawa kung sa katayuan sa buhay ang pag-uusapan.
Naghilamos at nagsabon siya ng mukha para matanggal ang makeup. Isang buwan nang mahigit
