Tumigil si Alejandro sa may b****a ng hacienda at nilingon ang mansyon. Gusto niyang bumalik at humingi ng tawad sa nasabi kay Lorabelle. Hindi niya sinasadya, nadala lang siya ng galit. At hindi naman 'yon ang ibig niyang sabihin.
Pero tumaas ang lebel ng emosyon niya nang marinig kung paano din nito pinuri si Lawrence. Nakita niya ang kislap sa mga mata nito habang nagkukwento kung gaano kagaling ang kapatid niya. Hindi niya gustong may pag-ukulan si Lora ng ibang atensyon. O kung mayroon man, 'wag si Lawrence. Pagod na siyang makipagkompetensya sa kapatid.
Pinaandar niyang muli ang sasakyan at tinumbok ang bahay ni Erika. Naabutan niyang umiinom ito sa mini bar.
"Ano'ng problema?" tanong niya sa kaibigan.
"Gustong iuwi ni Daddy ang babae niya rito," sagot nito na nakatin
