"Hindi ko na balak ituloy ang pakikipaghiwalay kay Lorabelle, Dad!" malakas na wika ni Alejandro sa ama para pansinin nito ang sinasabi niya. "Lalong hindi ko siya ibibigay kay Lawrence!"
"Ayan ka na naman eh! Ngayong alam mo na may gusto ako sa kanya, bigla ayaw mo nang makipaghiwalay!"
"Tumigil na kayo!" muling sigaw ng Daddy niya. "Papatayin niyo ba akong talaga sa sama ng loob?"
Pareho silang tumigil ni Lawrence sa pagbabangayan nang makita ang galit sa mukha ng ama. Sa ilang sandali ay hinintay niyang humupa muna ang mga emosyon nila.
"You can have this whole land, Lawrence," pigil ang inis niyang wika sa kapatid. "Binibigay ko na sa 'yo nang bukal sa loob ko. But you can't have Lora. She's my wife."
Tumalikod na siya sa ama at kapatid nang sumalubong si Denisse na pumasok sa l
