NAGISING si Princess mula sa mahimbing na pagkakatulog nang makarinig siya ng mga hampas ng mga alon at huni ng mga ibon sa paligid. Inilibot niya ang paningin sa paligid, gawa sa buho at pawid ang kwartong kinalalagyan niya. Binuksan niya ang bintana at sumalubong sa kaniya ang malakas at sariwang hangin dahilan para tumabing ang kaniyang mga buhok sa makinis niyang mukha.
Bahagya pa siyang nasilaw sa haring araw na siyang lalong nagpatingkad sa naghahalong kulay asul at berde na dagat. Napatingin siya sa pinto nang maramdaman niyang may paakyat sa kwartong kinalalagyan niya.
Pagbukas ng pinto ay bumungad sa kaniya ang lalaking hindi niya ninanais na makita.
“Nasaan tayo? Bakit mo ako dinala rito?” bungad na tanong niya nang makapasok ito dala ang isang tray na may lamang mga pagkain a
