KUNOT-NOONG nakatitig siya kay Romary, narito na sila ngayon sa silid ng babae, dito siya nito dinala, hindi nga rin niya alam kung bakit siya roon dinala ng babae, at sa mga sandaling iyon ay naghuhukay ang babae sa closet nito. Napansin niya ring may make-up set sa ibabaw ng kama at mayroong palamuti sa buhok, iyong kulay yellow na bulaklak.
“Ahmm…para saan mga iyan?” basag niya sa katahimikan nang makita niyang may kinuhang kulay sky blue na mixi dress galing sa closet si Romary.
“Para sa iyo,” nakangiting sagot ng babae at mabilis siyang nilapitan at sinukat sa kanya ang dress.
“Huh? Para sa akin? Bakit anong okasyon?” nalilitong tanong niya.
“Basta, malalaman mo rin mamaya,” sagot ng babae sabay abot sa kanya ng mixi dress. “Ayan, suotin mo
roon sa may banyo tapos bumalik ka r
