DIANE’s POV
“Susunduin kita mamayang gabi. Ten o’clock ang out mo, di ba?” akala ko ay nagkataon lang ang pagkikita namin sa bahay dahil dinala niya ang bulaklak. Susunduin pa pala niya ako.
“Sigurado ka? Oras na para matulog ang out ko. Masyado kang maiistorbo. Sanay na akong umuwi sa ganoong oras.” Sagot ko sa kanya.
“Huwag mo akong isipin. Maraming oras para matulog. Ang kailangan ko ay masigurado kong makauwi ka nang ligtas. Kahit pigilan mo ako, darating at darating ako. Makikita mo na lamang ako na nasa labas ng hospital at hinihintay ka.” Mahinahon naman ang pagkakasabi niya. Nanliligaw pa lang siya pero sobrang protective na niya sa akin. Masarap kaya siyang magmahal?
“Ganyan ka ba talaga? I mean, sa mga nagugustuhan mo at sa naging girlfriends mo?” tumingin ito sa akin. Mab
