Tahimik naming pinanuod ni Arthur ang pagkislap ng mga bituin sa kalangitan. Hindi ko alam kung paano nyang nagagawa na punan ang pagkukulang sa puso ko kahit ganoong tahimik lang sya roon sa tabi ko.
"Can I ask you a question?" Nakangiting nilingon ko sya. Inosente ang mukhang nagbaba sya sa akin ng tingin saka tumango. "Paano mo nalaman na birthday ko?" Imposible namang sinabi ni dad.
"Ah. Ano ho kasi, Ms Mindy—" naroon nanaman ang hiya sa kanyang mukha. Kinamot nya ang batok saka nag-iwas ng tingin.
Ano bang problema ng lalaking 'to? Para syang babae kung mahiya.
"I told you to stop calling me miss, 'di ba?"
"Oo. Hindi lang ako sanay." Seryosong saad nya saka itinuon ang paningin sa halaman na naroon sa aming harapan. "Ayon nga. Kahapon kasi ay napansin ko ang biglaang paglungko
