Kinabukasan, lumabas si Lily at nakita ang maraming mga pulis at sundalo na nagkalat sa kanilang lugar at mayroon silang dalang mga baril. Naki osyoso siya at nagtanong sa isang babaeng medyo may katabaan ang mukha at mahaba ang buhok na nasa 40 na ang edad.
"Anong nangyayari dito, iha?"
Lumingon ang babae sa kanya. "Ah, kasi nga po diba mayroong nangyaring nakawan sa bahay ni Congressman Mateo tapos pinatay pa silang mag aama? Ayon sa chismis na nasagap ko, dadating ngayon ang bagong detective. Kaya marami ang mga pulis at sundalo dahil i-interviewin nila isa isa ang mga tao sa lugar natin!"
Ilang sandali pa ang nakalipas, mayroong isang kulay blue na kotseng huminto. Lumabas mula rito ang isang lalaking nakasuot ng blue uniform at mayroon na itong katandaan. Pinagbuksan niya ng pinto
