Pabagsak niyang inihiga ang sarili sa kama, napagod siya ng husto. Inaantok na sana siya subalit naalala niya ang nag-email sa kanya kaya't tinawagan niya si Liza.
"May tumatawag ba sa akin diyan na ang pangalan ay Mrs. Salvador?"
"Yes Mam, actually, nagpunta pa nga dito."
"Anong itsura?"
"Nasa 60 na ang edad, mukha namang mayaman mam, pero parang eager na eager na makausap kayo ng personal, lagi nga pong tumatawag dito every other day, tinatanong kung dumating na kayo."
"Tungkol saan naman daw?"
"Tinanong ko po ang sabi it's personal matters daw po."
"Okay, sige thank you Liza."
"Sige po Mam, bye."
Napabuntong hininga siya at lalong napuzzle sa Mrs. Salvador.
Maya-maya ng konti ay si Lona naman ang tumawag sa kanya.
"So how is my friend?"
"I'm fine. Kagagaling lang naming mags
