Kahit gusto siyang ihatid ni Robert sa opisina hindi siya nito naihatid dahil maaga ang meeting ng huli sa mga board members. Kaya nagkanya-kanya sila ng gamit ng kani-kanilang sasakyan.
"Welcome back Ma'am." Nakangiting salubong ni Liza sa kanyang boss. Saka nagpasalamat sa inabot nitong pasalubong.
Kanina ay ipinadala rin niya kay Robert ang ilang pasalubong niya para sa mga dating kasamahan sa accounting department lalo na ang kay Flor. Hindi nakatanggi si Robert sa kanyang pakisuyo lalo na ng malambing niya itong tinakaw ng halik.
Agad siyang naupo sa harapan ng kanyang mesa, marami kasing isinunod na mga papeles si Liza sa kanya upang maireview.
"So far po, hindi ako nag schedule ng appointment ninyo today except lang sa ibinilin ninyo sa akin. Kasi alam kong pagod pa kayo sa biya
