Chapter 30
Hindi mawala sa isipan ni Lucyva ang huling sinabi ni Seev bago ito tumayo at tumingin sa relo nito sa bisig.
“I need to go now. Tapos na rin ang oras ko ng pagtuturo sa ‘yo, Emmanuele.”
“Seev,” sabi ni Haze dito.
Ang paraan ng pagbanggit nito sa pangalan ni Emmanuele ay kakaiba at may halong pang-aasar kaya’t napabuntong hininga siya. Mukhang kailangan niyang sanayin ang kaniyang sarili sa mga salitang bibitawan ni Seev. Hindi lamang ngayong araw niya ito makakasama.
“Oh, Mr. Seev, aalis ka na ba? Maghahanda pa sana ako ng meryenda para mamayang hapon,” sabi ng kaniyang ina.
Ibinaba nito ang juice sa tapat nila ni Haze.
“Yes, ma’am, bukas na po ako ulit babalik. Matalino na bata po si Emmanuele kaya’t mabilis niyang nakukuha ang mga itinuro ko. Hindi rin naman siya nagha
